UN: Watoto 100,000 wameathiriwa na tetemeko la ardhi Morocco

Idadi kubwa ya familia zimekosa makazi na hulazimika kulala nje wakati huu wa baridi kali.

Shirika la Msalaba Mwekundu la Ujerumani (DRK) limesema litatuma  nchini Morocco Alhamisi hii shehena ya kwanza ya tani 37 za vifaa vya msaada. Juhudi za uokozi zinaendelea hadi leo hii nchini humo licha ya matumaini hafifu ya kuwapata manusura.

Serikali ya Morocco imekuwa ikikabiliwa na shinikizo kubwa la kukubali msaada zaidi wa kimataifa. Lakini hadi sasa, taifa hilo la Afrika Kaskazini limeafiki rasmi msaada kutoka nchi nne ambazo ni Uhispania, Uingereza, Qatar na Umoja wa Falme za Kiarabu.