Watu 82 wauawa katika siku tatu za ghasia za kidini Pakistan

Pakistan ni nchi yenye Wasunni wengi lakini wilaya ya Kurram, karibu na mpaka na Afghanistan,  ina idadi kubwa ya Washia na jumuiya hizo zimepigana kwa miongo kadhaa.

Vurugu za hivi sasa zilianza siku ya Alhamisi wakati misafara miwili tofauti ya Waislamu wa madhehebu ya Shia waliokuwa wakisafiri chini ya ulinzi wa polisi ilipovamiwa, na kuua watu wasiopungua 43.

Mamlaka ya eneo hilo imeahidi kutafuta suluhisho la usitishaji mapigano kabla ya kushughulikia masuala ya msingi baina ya jamii hizo.