Zelensky asema ataandaa mkutano mwingine wa kusaka amani

 Akizungumza leo Jumatatu,Zelensky pia amesema anaamini wajumbe wa Urusi pia wanapaswa kushiriki mkutano huo.

"Naamini katika hili,tuko tayari kuandaa mkutano wa pili wa kilele wa amani ya Ukraine hivi karibuni. Na tunaimani kwamba wajumbe wa Urusi wanapaswa kushiriki kwenye mkutano wa pili wa kilele." amesema Zelensky.

Kiongozi huyo wa Ukraine aliyasema hayo mjini Kiev leo baada ya kurejea kutoka Washington alikokwenda wiki iliyopita kushiriki mkutano wa kilele wa jumuiya ya kujihami ya NATO, uliofanyika miezi 28 tangu uvamizi wa Urusi nchini Ukraine.

Rais Zelensky pia amesema nchi yake itapokea ndege kadhaa za kivita  chapa  F-16 majira haya ya joto,na nyingine zaidi  zitapelekwa kabla ya mwaka kumalizika.