افغان طالبان کا مذاکراتی وفد پاکستان میں، ’بات چیت مری میں‘

پاکستانی دارالحکومت اسلام آباد سے بدھ سترہ جنوری کو ملنے والی نیوز ایجنسی ڈی پی اے کی رپورٹوں کے مطابق افغان طالبان کے یہ مذاکراتی مندوبین پاکستان میں ملاقاتوں اور تبادلہ خیال کے ذریعے کابل حکومت اور طالبان کے مابین امن بات چیت کی بحالی کے امکانات کا جائزہ لیں گے۔

پاکستان کے لیے امریکی امداد کی بندش: اندھیرے میں چلایا گیا تیر؟

’سلامتی کونسل کی ٹیم افغانستان کا دورہ کرے گی‘

امریکی مطالبات کی فہرست پاکستان کو پہنچ گئی، پینٹاگون

پاکستان کے ایک خفیہ ادارے کے ایک اہلکار نے اپنی شناخت ظاہر نہ کرنے کی شرط پر ڈی پی اے کو بتایا کہ اس وفد کی قیادت خلیجی عرب ریاست قطر میں طالبان کے رابطہ دفتر کے سربراہ شہاب الدین دلاور کر رہے ہیں۔ اس اہلکار نے کہا کہ یہ وفد اسی ہفتے پاکستان پہنچا تھا تاکہ پاکستانی سکیورٹی حکام کے ساتھ ملاقاتیں کر سکے۔

پاکستانی انٹیلیجنس کے اسی اہلکار نے بتایا کہ اس وفد کی ملاقاتیں وفاقی دارالحکومت اسلام آباد کے قریب گرمائی تعطیلاتی مقام مری میں ہو رہی ہیں۔ مری وہی پاکستانی پہاڑی شہر ہے، جہاں جولائی 2015ء میں بھی افغان طالبان اور پاکستانی اور افغان حکومتی اہلکاروں کے مابین مذاکرات کا پہلا دور ہوا تھا۔

تین سال پہلے تب یہ سہ فر یقی بات چیت دوسرے مرحلے میں داخل ہونے سے قبل اپنے اولین راؤنڈ میں ہی اس لیے ناکام ہو گئی تھی کہ افغان طالبان کے نمائندے ان مذاکرات سے نکل گئے تھے۔ اس کی وجہ یہ بنی تھی کہ طالبان کے بانی رہنما ملا عمر کے اس مکالمت سے کافی پہلے ہو چکے انتقال کی خبر میڈیا میں پھیل گئی تھی۔ اس وقت تک طالبان نے خود ملا عمر کی موت کا اعلان ہی نہیں کیا تھا۔

امریکا نے پاکستان کے لیے کروڑوں ڈالر کی عسکری امداد روک دی

’پاکستان ’دہرا کھیل‘ کھیل رہا ہے، امریکا کا الزام

کیا افغانستان کو سی پیک میں شامل کیا جا سکتا ہے؟

ڈی پی اے نے لکھا ہے کہ افغان طالبان کے وفد کا یہ دورہٴ پاکستان اور ان کی مری میں ملاقاتیں ایک ایسے وقت پر عمل میں آ رہے ہیں، جب پاکستانی حکام اور اعلیٰ امریکی سفارت کار بھی آپس میں ملاقاتیں کر چکے ہیں۔ ان پاکستانی امریکی ملاقاتوں میں بنیادی موضوع یہ تھا کہ افغان طالبان کو پاکستان میں محفوظ ٹھکانے میسر ہیں اور وہ پاک افغان سرحد کے قریبی علاقوں سے افغانستان میں پرتشدد کارروائیاں کرتے ہیں۔

اس سے قبل رواں ماہ کے اوائل میں امریکا نے پاکستان کے لیے قریب دو بلین ڈالر کی سکیورٹی امداد معطل کرنے کا اعلان بھی کر دیا تھا۔ اس کا مقصد یہ تھا کہ پاکستان کو افغان عسکریت پسند گروپوں کی مبینہ حمایت پر ’سزا‘ دی جا سکے۔

پاکستانی اور افغان وزرائے خارجہ چین میں

کیا طالبان کے خلاف جنگ صرف فضائی بمباری سے جیتی جائے گی؟

افغان طالبان کے مذاکراتی مندوبین کے اس تین رکنی وفد کے دورہٴ پاکستان کی ایک اہم بات یہ بھی ہے کہ طالبان کے ایسے ہی ایک وفد نے مبینہ طور پر گزشتہ ہفتے ترکی کا دورہ بھی کیا تھا اور وہاں بھی افغانستان میں قیام امن کے عمل کے بارے میں ہی بات چیت کی گئی تھی۔