ایٹمی راز فروخت کرنے کا الزام سراسر جھوٹ ہے:ڈاکٹر قدیرخان

اقوام متحدہ کے سابق اہلکار نے ایک ٹیلی وژن انٹر ویو میں کہا ہے کہ ڈاکٹر قدیر خان نے ایٹمی راز ایک سوئس سمگلر کے ذریعے ایران اور شمالی کوریا کو فروخت کئے ہیں۔ ڈاکٹر قدیر خان نے ان الزامات کی تردید کرتے ہوئے کہا ہے کہ جس جدید تیکنالوجی کی بات ڈیوڈ البرائیٹ نے کی ہے وہ ان کی دسترس میں ہی نہیں تھی۔

ڈاکٹر خان نے کہا کہ یہ الزمات ایک ایسے وقت میں دوبارہ عائد کئےجا رہے ہیں جب حکومت پاکستان ان کی نظر بندی ختم کرنے کے بارے میں سوچ رہی ہے۔ ڈاکٹر خان نے ان الزامات کو ایک سازش قرار دیا ہے۔