’سیکس ٹوائز‘ چرانے والا گرفتار

خبر رساں ادارے ایسوسی پریس کے مطابق اس جرم کا ارتکاب کرنے والے مشتبہ شخص کی عمر 25 برس ہے جس کا نام بروڈی فُکس بتایا گیا ہے اور وہ ٹِن ڈھل کے علاقے سے تعلق رکھتا ہے۔ پولیس نے اس شخص پر دوسرے درجے کی نقب زنی کے الزام میں مقدمہ درج کیا ہے۔  ’سيکس ٹوائز‘ جنسی تسکين کے ليے دستياب آلات کو کہا جاتا ہے۔

بون ہوم کاؤنٹی کے پولیس سربراہ برائن میکگوائر کے مطابق فکس نے ٹِن ڈھل کے علاقے میں اس واردات کے دوران کافی تعداد میں اشیاء چرائیں تھیں۔ یہ علاقہ امریکی ریاست نبراسکا کی سرحد کے قریب واقع ہے۔

پولیس کی رپورٹ کے مطابق متاثرہ جوڑے نے گھر کے اندر ایک کیمرا نظام نصب کرایا تھا جس سے معلوم ہوا کہ فُکس ان کے گھر میں داخل ہوا اور چالیس سیکنڈز کے وقفے کے بعد واپس چلا گیا۔

اس واقعے کی تفتیش کرنے والے ایک پولیس اہلکار نے مشتبہ شخص کی رہائش گاہ کی تلاشی کی دوران کافی تعداد میں سیکس ٹوائز برآمد کر لیے۔

پولیس سربراہ میکگوائر نے تاہم میڈیا کو یہ نہیں بتایا کہ آیا مشتبہ چور متاثرہ جوڑے کو پہلے سے جانتا تھا یا نہیں۔

ڈی ڈبلیو کے ایڈیٹرز ہر صبح اپنی تازہ ترین خبریں اور چنیدہ رپورٹس اپنے پڑھنے والوں کو بھیجتے ہیں۔ آپ بھی یہاں کلک کر کے یہ نیوز لیٹر موصول کر سکتے ہیں۔

ا ب ا / ع س (اے ایف پی)