جنگ چھڑ جائے تو کیا کرنا چاہیے، ہر گھر کے لیے رہنما کتابچہ

سویڈن کے دارالحکومت سٹاک ہوم سے منگل سولہ جنوری کو ملنے والی نیوز ایجنسی ایسوسی ایٹڈ پریس کی رپورٹوں کے مطابق اس گائیڈ میں عوام کو اس بارے میں واضح حکومتی ہدایات سے آگاہ کیا جائے گا کہ اگر اچانک جنگ شروع ہو جائے تو اپنی جانوں کے تحفظ کے لیے سویڈش باشندوں کو کیا کرنا چاہیے۔

دہشتگردی کے خلاف جنگ: جاپان کی طرف سے پاکستان کی تعریف

شامی فوجی اڈے پر شیلنگ، کم از کم سات روسی جنگی طیارے تباہ

امریکا فلسطین کے لیے امداد کی بندش سے باز رہے، سویڈن

آخری مرتبہ یہ کتابچہ سرد جنگ کے دور میں شائع کیا گیا تھا، جس کے بعد یہ سلسلہ بند کر دیا گيا تھا۔ لیکن اب عوام کے لیے اس حکومتی ہدایت نامے کے دوبارہ اجراء کا فیصلہ اس لیے کیا گیا ہے کہ بحیرہ بالٹک کے خطے میں سلامتی کی مسلسل خراب ہوتی ہوئی صورت حال پر سٹاک ہوم حکومت کو کافی تشویش ہے اور اس کتابچے کی دوبارہ اشاعت اور تقسیم کا فیصلہ اسی تشویش کا نتیجہ ہے۔

کسی بھی ہنگامی صورت حال سے نمٹنے کے لیے سویڈن کی پبلک ایمرجنسی ایجنسی کی سربراہ کرسٹینا اینڈرسن نے کہا کہ اس سال اس کتابچے کا موجودہ حالات کے تقاضوں کو سامنے رکھتے ہوئے اپ ڈیٹ کیا گیا نیا ایڈیشن شائع کیا جائے گا، جسے ’جنگ یا بحران کی صورت میں‘ کا عنوان دیا گیا ہے۔

اینڈرسن کے مطابق اس کتابچے کا نیا ایڈیشن اس سال جون تک ملک کے تمام 47 لاکھ گھرانوں میں مفت تقسیم کیا جائے گا۔ کرسٹینا اینڈرسن نے بتایا کہ اس کتابچے میں حکومت کی طرف سے عوام کو یہ ہدایت کی گئی ہے کہ عہد حاضر کے بحرانوں، مثلاﹰ کسی بہت بڑے سائبر حملے، دہشت گردانہ کارروائی، شدید خطرے یا ماحولیاتی تباہی کے علاوہ روایتی ہتھیاروں سے لڑی جانے والی جنگ تک، کسی بھی صورت میں ہر گھرانے کو اپنے اہل خانہ کے تحفظ کے لیے کیا کرنا چاہیے۔

سویڈن میں ٹرک کے ذریعے ’دہشت گردانہ‘ حملہ، سیکرٹ سروس

یوکرائن کے لیے امریکی ہتھیار، نئی خونریزی کے خلاف روس کی تنبیہ

 

امریکا کے ساتھ جنگ اب ’ناگزیر‘ ہے، شمالی کوریا

سویڈش سول ایمرجنسی ایجنسی کی سربراہ نے منگل سولہ جنوری کے روز بتایا کہ سٹاک ہوم حکومت کی بحیرہ بالٹک کے علاقے میں پائی جانے والی سکیورٹی صورت حال پر مسلسل تشویش کی وجوہات میں یہ حقائق بھی شامل ہیں کہ خطے میں روس کی طرف سے بار بار کی جانے والی جنگی مشقوں اور عسکری طاقت کے بھرپور مظاہروں میں تیزی آتی جا رہی ہے۔

ایسوسی ایٹڈ پریس نے لکھا ہے کہ سویڈن میں اب جو عوامی ہدایت نامہ دوبارہ شائع کر کے پورے ملک میں گھر گھر تقسیم کیا جائے گا، وہ اپنی ابتدائی شکل میں پہلی بار دوسری عالمی جنگ کے دوران شائع کیا گیا تھا۔