جو بائيڈن صدارتی اليکشن ميں کاميابی کے ليے پر اميد

سابق نائب صدر اور ڈيموکريٹک پارٹی کے صدارتی اميدوار جو بائيڈن نے کہا ہے کہ وہ صدارتی اليکشن ميں کامياب ہو سکتے ہيں۔ بائيڈن نے گزشتہ رات اپنی آبائی رياست ڈيلاويئر ميں خطاب کرتے ہوئے کہا کہ اب تک گنتی کيے گئے ووٹ اور اعداد و شمار صاف ظاہر کرتے ہيں کہ وہ کامياب ہو گئے ہيں۔ سابق نائب صدر نے بتايا کہ انہوں نے اور کملا ہارس نے وائٹ ہاؤس منتقلی کے ليے ماہرين سے ملاقاتيں شروع کر دی ہيں۔

امريکا ميں تين نومبر کو منعقد صدارتی اليکشن کے بعد اب تک ووٹوں کی گنتی جاری ہے۔ ری پبلکن پارٹی کے صدارتی اميدوار اور موجودہ صدر ڈونلڈ ٹرمپ اور ڈيموکريٹک پارٹی کے صدارتی اميدوار جو بائيڈن کے درميان کانٹے کا مقابلہ جاری ہے اور اب آخری چند رياستوں کے نتائج باقی ہيں، جن ہی کی بنياد پر يہ فيصلہ ہو گا کہ امريکی تاريخ کے ان اہم انتخابات ميں کون سرخوو ہوا۔ کورونا کی عالمی وبا کے تناظر ميں اب بار امريکا ميں ڈاک کے ذريعے ووٹ ڈالنے کی سہولت بھی ميسر تھی جسے کئی ملين افراد نے بروئے کار لاتے ہوئے قبل از وقت رائے دہی کے عمل ميں شرکت کی۔

جو بائيڈن کو بقيہ رياستوں ميں برتری حاصل

امريکی نشرياتی ادارے ابھی تک ٹرمپ کے 213 اور بائيڈن کے 253 اليکٹورل کالج ووٹ بتا رہے ہيں۔ پینسیلوینيا، جارجيا، نيواڈا اور ايريزونا ميں اب بھی ووٹوں کی گنتی جاری ہے۔ ان سب ہی رياستوں ميں اب بائيڈن کو ٹرمپ پر برتری حاصل ہے۔ پینسیلوینياکے اليکٹورل ووٹوں کی تعداد بيس ہے اور وہاں کاميابی کی ممکنہ صورت ميں بائيڈن انتخابات جيت جائيں گے۔ بصورت ديگر بائيڈن کو تين ديگر رياستوں ميں سے دو ميں کاميابی حاصل کرنی پڑے گی۔ ہفتے کی صبح کی صورتحال کے مطابق ايريزونا ميں ستانوے فيصد ووٹوں کی گنتی مکمل ہو چکی ہے اور وہاں بائيڈن کو اپنے حريف پر 29,861 ووٹوں کی برتری حاصل ہے۔ نيواڈا ميں تيرانوے فيصد ووٹ گنے جا چکے ہيں، وہاں بائيڈن کے 22,657 ووٹ زيادہ ہيں۔ جارجيا ميں ننانوے فيصد ووٹوں کی گنتی کے بعد بائيڈن 4,289 ووٹوں کے ساتھ آگے ہيں۔ پنسلوانيا ميں چھيانوے فيصد ووٹ گنے جا چکے ہيں اور ابھی بائيڈن کو  27,130 ووٹوں کی برتری حاصل ہے۔   

امريکا ميں اس بار 147 ملين ووٹ ڈالے گئے۔ ابھی تک گنتی کيے گئے ووٹوں ميں بائيڈن کو ٹرمپ کے مقابلے ميں چار اعشاريہ ايک ملين زائد ووٹ پڑے ہيں۔ وہ آج بروز ہفتہ بھی اپنے حاميوں سے خطاب کرنے والے ہيں۔

دوسری جانب موجودہ امريکی صدر ڈونلڈ ٹرمپ دھاندلی کے دعوے کر رہے ہيں۔ جمعرات کو بغير کسی شواہد کے انہوں نے دھاندلی کا الزام لگايا اور کہا کہ اليکشن ان سے 'چرايا‘ جا رہا ہے۔ ٹرمپ نے چند رياستوں ميں نتائج کو قانونی طور پر چيلنج کرنے کا بھی کہہ رکھا ہے۔

ع س / ع ت (روئٹرز)