دل کے دورے کے بعد ورزش فائدہ مند

سویڈیش سائنسدانوں کی ٹیم نے دل کا دورہ پڑنے کے بعد ہسپتال سے فارغ ہونے والے18 سے 74 برس کی عمر کے 22 ہزار افراد کو اپنی ریسرچ میں شامل کیا۔  جس کے بعد معلوم ہوا کہ وہ لوگ جنہوں نے ورزش شروع کی یا اس میں اضافہ کیا، ان میں ابتدائی چار برسوں کے اندر ہی موت کا خطرہ نصف فیصد تک کم ہو گیا۔

سویڈیش اسکول آف اسپورٹ اینڈ ہیلتھ سائنسس سے تعلق رکھنے والے تحقیق دان اوژان ایکبلوم کہتے ہیں، ’’ یہ بات پہلی ہی معلوم ہے کہ جو لوگ ورزش کرتے ہیں، ان میں دل کے دورے کا خطرہ بھی کم ہوتا ہے اور وہ زیادہ عرصہ تک جیتے بھی ہیں لیکن ابھی تک یہ معلوم نہیں تھا کہ جن لوگوں کو دورہ پڑ چکا ہے، ان پر ورزش کے کیا اثرات مرتب ہوتے ہیں۔‘‘

صحت مند پاکستان کے لیے کوشاں محمد اعظم، معاوضہ ایک مسکراہٹ

ہریالی ذہنی اور جسمانی صحت کے لیے ضروری

ریسرچر اورژان ایکبلوم کے مطابق سویڈن میں ان کی ٹیم نے ہارٹ اٹیک کے مریضوں کی جسمانی سرگرمیوں کا دل کا دورہ پڑنے کے چھ یا دس ہفتے سے لے کر ایک سال تک مطالعہ کیا۔   ان 22,227 زیر مطالعہ افراد میں سے 1,100 افراد کی چار برسوں کے اندر ہی موت واقع ہو گئی۔

سائنسدانوں کے مطابق وہ افراد جنہوں نے مستقل اپنی جسمانی سرگرمیوں کو محدود رکھا، ان کی موت کا خطرہ 37 فیصد تک موجود تھا جبکہ جو افراد مستقل خود کو مصروف رکھے ہوئے تھے، ان میں موت کا خطرہ 51 فیصد کم پایا گیا۔ سائنسدانوں کے مطابق ہفتے میں دو یا اس سے زیادہ مرتبہ ورزش کرنا، دل کے مریضوں کے لیے نہایت سود مند ہے۔

ع ف / ع ق ( اے ایف پی)