زیرو کاربن واٹر پمپوں سے پاکستان کے بنجر پہاڑ سرسبز

اس وادی کے بالکل دامن میں آباد افراد تو دریائے خنجراب کے پانی سے فائدہ اٹھا لیتے تھےليکن پہاڑوں کے اوپر رہنے والے کسانوں کے پاس عملی طور پر ایسا کوئی طریقہ نہیں تھا، جس کےذریعے پانی کو اوپر تک پہنچایا جا سکتا۔ لیکن اس علاقے میں ہائیڈرولک ریم (ہائیڈرو ریم) پمپ کی تنصیب نے سب کچھ بدل کر رکھ دیا ہے۔

یہ پمپ ندی یا دریا کے تیزی سے بہتے ہوئے پانی کے دباؤ کو استعمال کرتا ہے اور پانی کے کچھحصے کو اوپر تک پہنچا دیتا ہے۔ اس مقصد کے لیے کسی بھی دوسری توانائی یا بجلی وغیرہ کی ضرورت نہیں پڑتی۔

ایسے پمپ بغیر کسی ایندھن کے چلتے ہیں اور یہی وجہ ہے کہ ان کے استعمال سے کسی بھی طرح کی ضرر رساں گیسیں بھی خارج نہیں ہوتیں۔ اس وادی کی ایک استاد اور لوکل وویمنڈویلپمنٹ گروپ کی سیکریٹری نائلہ شاہ کا کہنا تھا، "پہلے ہم بارش کا پانی استعمال کرتے تھے۔ زمین اس وجہ سے بنجر ہو چکی تھی کیوں کہ نیچے بہنے والے دریائی پانی کو یہاں اوپر تک نہیں لایا جا سکتا تھا۔”

ماحولیاتی ماہرین کے مطابق ہائیڈرو ریم جیسے کم لاگت پائیدار آبپاشی کے نظام پاکستان کیپہاڑی کمیونیٹیز کے لیے ایک کلیدی حیثیت رکھتے ہیں۔ موسمیاتی تبدیلیوں کی وجہ سے بارشوں،سیلابوں اور قحط سالی جیسے خطرات پیدا ہو چکے ہیں اور مقامی آبادی اس طریقے سے ان سےبہتر طور پر نمٹ سکتی ہیں۔

وادی گوجال کے خیبر نامی دیہات میں یہ پمپ ورلڈ وائلڈ فاؤنڈیشن کے گرین گروپ کی طرف سےلگایا گیا تھا۔ اس تنظیم سے وابستہ حیدر رضا کا کہنا تھا، "حکومت ایسے علاقوں میں آبپاشی کےبڑے نظام افورڈ نہیں کر سکتی۔ لیکن اس طرح کے اعلی کارکردگی کے حامل آبپاشی کے نظام، جوزیادہ مہنگے بھی نہیں ہیں، کو مقامی کمیونیٹیز کی زندگیوں کو بہتر بنانے کے لیے استعمال کیا جاسکتا ہے۔”

اس منصوبے کے بہتر نتائج کو دیکھتے ہوئے اقوام متحدہ کے ترقیاتی پروگرام کے تحت ڈبلیو ڈبلیوایف پاکستان کو اضافی فنڈنگ فراہم کی گئی ہے تاکہ ایسے بارہ دیہات میں مزید بیس ہائیڈرو پمپ نصب کیے جا سکیں۔  

ہر پمپ کو ڈریپ ایریگیشن سسٹم سے منسلک کر دیا جاتا ہے، جو آہستہ آہستہ فصلوں کو پانیفراہم کرتا ہے۔ روایتی طریقہ آبپاشی کے برعکس ڈریپ ایریگیشن کے طریقے سے بہت کم پانی استعمال ہوتا ہے۔

حیدر رضا کا کہنا تھا کہ اس طریقے کو استعمال کرتے ہوئے تقریبا ساٹھ ایکٹر بنجر رقبے کودوبارہ سرسبز بنا دیا گیا ہے اور اس منصوبے سے تقریبا تین سو گھرانے فائدہ اٹھا رہے ہیں۔ یہ نظام بہت سادہ ہے اور اس کی مرمت کے لیے بھی کوئی بڑی رقم خرچ نہیں ہوتی۔ 

حیدر رضا کے مطابق اس طرح کا ایک پمپ نصب کرنے میں تقریبا ستر ہزار پاکستانی روپے خرچہوتے ہیں۔ مقامی آبادیاں اسے برداشت بھی کر سکتی ہیں اور وہ اس کے فوائد سے متاثر بھی ہیں۔

اس منصوبے کی کم لاگت کو دیکھتے ہوئے گزشتہ برس حکومت پاکستان نے گلگت بلتستان واٹرمینجمنٹ ڈیپارٹمنٹ کو ایسے پچاس ہائیڈرو ریم پمپ نصب کرنے کے لیے فنڈز فراہم کیے تھے جبکہ اس کے ساتھ ساتھ ایک سو پچاس شمسی توانائی سے چلنے والے واٹر پمپ بھی نصب کیے جائیںگے۔ اس نظام کے تحت گلگت بلتستان کے متعدد علاقوں میں ایک ہزار پچاس سے زائد ایکٹر رقبے پرفصلوں کی کاشت کو ممکن بنایا جا سکے گا۔

ماحولیاتی ماہرین کے مطابق ماحولیاتی تبدیلیاں پاکستان میں آپباشی کے نظام کو بری طرح متاثرکر رہی ہیں۔ مستقبل میں پاکستان کے میدانی علاقوں میں بارشوں کی صورتحال یکسر تبدیل ہوسکتی ہے اور پنجاب جیسے ذرخیز علاقوں میں بھی پانی کی قلت کا خدشہ ہے۔ ایسے میں ان پہاڑی علاقوں کو ذرخیز بناتے ہوئے ان علاقوں میں فصلوں کی کاشت کے ذریعے فوڈ سکیورٹی حاصل کی جا سکتی ہے۔ 

ماہرین کے مطابق موسمیاتی تبدیلیاں پاکستان کی زرعی پیداوار کو اب بھی متاثر کر رہے ہیں اورمستقبل میں بھی متاثر کریں گی اور ایسی موسمیاتی تبدیلیوں سے نمٹنے کے لیے پاکستان کوآبپاشی کے موثر طریقے اپنانا ہوں گے۔

ا ا / ک م / تھامسن روئٹرز فاؤنڈیشن