سری لنکا میں خانہ جنگی کے زمانے کے سخت قوانین اب بھی رائج

انسانی حقوق کے ادارے ہیومن رائٹس واچ کا کہنا ہے کہ اگرچہ سری لنکن حکومت نے ان قوانین کو ختم کرنے کا وعدہ کر رکھا ہے تاہم اس وعدے پر عمل درآمد اب تک نہیں کیا گیا۔ ’دی پری وینشن آف ٹیررازم ایکٹ‘ یا پی ٹی اے نامی اس قانون کے تحت مشتبہ اشخاص کو لمبے عرصے تک بغیر مقدمہ دائر کیے گرفتار رکھا جا سکتا ہے۔ سر لنکا میں عشروں تک جاری رہنے والی سول جنگ میں یہ مشق عام مستعمل رہی ہے۔

توہین رسالت کے ’نئے ملزم‘ کی رہائی، ہیومن رائٹس واچ کا دباؤ

سری لنکا کے صدر میتھری پالا سری سینا نے سن دو ہزار پندرہ میں برسر اقتدار آنے کے بعد عہد کیا تھا کہ اُن کی حکومت اس قانون کو جلد ختم کر دے گی تاہم وہ اب تک اس میں کامیاب نہیں ہو سکے ہیں۔ اس ضمن میں ہیومن رائٹس واچ ایشیا کے ڈائریکٹر بریڈ ایڈمز نے خبر رساں ادارے اے ایف پی سے بات کرتے ہوئے کہا، ’’سری لنکن حکومت کا پی ٹی اے قانون کو ختم کا وعدہ محض الفاظ کی حد تک ہے اور اس سلسلے میں کوئی عملی کارروائی نہیں کی جا رہی۔‘‘

ایڈمز کا مزید کہنا تھا کہ اگر حکومت واقعی انسانی حقوق کی حفاظت کے معاملے میں سنجیدہ ہے تو اسے چاہیے کہ پی ٹی اے کو ختم کر کے ایسا قانون بنائے جو بین الاقوامی معیارات سے منطبق ہو۔

سعودی فوج نے شیعہ شہر کا محاصرہ کر رکھا ہے، ہیومن رائٹس واچ

سری لنکن حکومت کے مطابق اسّی سے زائد افراد اب بھی پی ٹی اے کے تحت گرفتار ہیں جبکہ انسانی حقوق کے کارکنان کو خدشہ ہے کہ یہ تعداد سینکڑوں میں ہو سکتی ہے۔

ہیومن رائٹس واچ کا کہنا ہے کہ اُس کی تحقیقات کے مطابق ’پی ٹی اے‘ ملک میں خانہ جنگی کے خاتمے کے ایک عشرے بعد بھی تشدد کے بڑھنے میں اہم کردار ادا کر رہا ہے۔