پورن اسٹار نے ٹرمپ کے ساتھ معاہدے کے خلاف مقدمہ دائر کر دیا

پورن فلموں کی ایک سابقہ مشہور اداکارہ اسٹیفنی کلفورڈ کے بقول صدر ٹرمپ کے ساتھ جنسی روابط کے بارے میں خاموش رہنے کا یہ معاہدہ سن 2016 کے صدارتی انتخابات سے چند روز قبل طے پایا تھا۔  

رواں برس کے آغاز میں اسٹیفنی کلفورڈ نے مشہور جریدے ’وال اسٹریٹ جرنل‘  کو دیے گئے ایک انٹرویو میں کہا تھا کہ ڈونلڈ ٹرمپ کے ایک وکیل نے انہیں باقاعدہ طور پر معقول رقم دی تھی تاکہ وہ ٹرمپ کے ساتھ ہونے والے جنسی رابطے پر اپنی زبان بند رکھیں۔

لاس اینجلس کاؤنٹی کی اعلیٰ عدالت میں دائر کردہ مقدمے میں اسٹیفنی کلفورڈ کا موقف ہے کہ اس معادے پر صدر ٹرمپ نے دستخط نہیں کیے تھے اس لیے اس ’معاہدے کی شرائط پر عمل کرنا لازمی نہیں اور یہ کالعدم‘ ہے۔

سنی لیونی ’ثابت قدمی‘ کی مثال

اسٹیفنی ڈینیئل جن کا اصلی نام اسٹیفنی کلفورڈ ہے، نے دائر کردہ مقدمے میں یہ موقف بھی اختیار کیا ہے کہ وہ الیکشن سے پہلے والے ہفتوں میں ہی عوام کو اپنے اور صدر ٹرمپ کے تعلقات کے حوالے سے آگاہ کرنا چاہتی تھیں۔

اس معاہدے پر پورن اداکارہ اور صدر ٹرمپ کے اٹارنی مائیکل کوہن نے اٹھائیس اکتوبر سن 2016 کے روز دستخط کیے تھے۔ مقدمے میں اسٹیفنی کلفورڈ نے الزام عائد کیا ہے کہ ڈونلڈ ٹرمپ اور اُن کے درمیان ’گہرے روابط‘ سن 2007 سے شروع ہوئے تھے۔ صدر ٹرمپ اپنی حالیہ بیوی مالینیا ٹرمپ کے ساتھ سن 2005 میں رشتہ ازدواج میں منسلک ہوئے تھے۔

اسٹیفنی کلفورڈ کا دعویٰ ہے کہ ان کا ایک بار صدر ٹرمپ سے جسمانی رشتہ قائم ہوا تھا جس کے بعد یہ ایک گہرے تعلق میں بدل گیا جو سالوں تک قائم رہا۔ کلفورڈ نے ایک وکیل کے مطابق اُن کا ٹرمپ سے یہ تعلق محض ایک افیئر نہیں تھا۔

دوسری جانب ٹرمپ کے وکیل کوہن نے بھی یہی کہا ہے کہ دونوں کے درمیان کوئی افیئر نہیں تھا۔ کوہن کے مطابق انہوں نے معاہدے کی ایک شق کے طور پر اپنی جیب سے ایک  لاکھ تیس ہزار ڈالر پورن فلموں کی اس اداکارہ کو ادا کیے تھے۔

کوہن اور وائٹ ہاؤس دونوں ہی کی جانب سےاس مقدمے کے حوالے سے ابھی تک کوئی تبصرہ سامنے نہیں آیا ہے۔

کچھ عرصے قبل پورن فلموں کی ایک اور سابقہ معروف اداکارہ الانا ایوانز نے بھی امریکی جریدے ’دی بیسٹ‘ کو انٹرویو دیتے ہوئے انکشاف کیا تھا کہ سن 2006 میں کھیلے گئے ایک گولف ٹورنامنٹ میں ڈونلڈ ٹرمپ شریک تھے اور انہیں دعوت ملی تھی کہ وہ اُن سے ملاقات کے لیے ہوٹل آئیں۔