کروڑوں برس قدیمی انتہائی بڑے شیر کی باقیات دریافت

کینیا میں زمانہ قدیم کے جانوروں کے حوالے سے کام کرنے والے ماہرین نے جمعرات اٹھارہ اپریل کے روز تصدیق کی ہے کہ ایک دہائی قبل دریافت کی جانے والی ہڈیاں در اصل ایک ایسے انتہائی بڑے شیر کی ہیں جس سے شیروں کی موجودہ نسل کا بھی تعلق ہے۔

اس شیر کی باقیات گزشتہ برس ملی تھیں تاہم اب ماہرین نے بتایا ہے کہ انتہائی بڑے جبڑے اور پندرہ سو کلو تک وزن کا حامل یہ شیر تئیس ملین برس قبل افریقہ کے ساوانا یہ گرم دشت کے علاقوں میں پایا جاتا تھا اور وہ موجودہ دور کے ہاتھیوں جتنے جثے والے جانوروں کا شکار کرتا تھا۔

’ڈیوک اینڈ اوہائیو یونیورسٹی‘ سے تعلق رکھنے والے سائنس دان ماتھیو بورتھس اورر نینسی سٹیونز نے اس شیر کے جبڑے، دانوں اور جسم کی دیگر ہڈیوں کی دریافت کا اعلان ایک سائنسی جریدے کے ذریعے کیا۔ اس شیر کا نام ’سمباکوباوا کٹوکافریکا‘ ہے۔ دونوں سائنس دانوں نے اپنے تحقیقی مضمون میں لکھا، ’’دانتوں کے بڑے سائز کو دیکھتے ہوئے ہم یہ اندازہ لگا سکتے ہیں کہ اس شیر کا جسم انتہائی بڑا تھا، آج کے دور کے برفانی ریچھ سے بھی زیادہ بڑا۔‘‘

سمباکوباوا کے بارے میں یہ بھی بتایا گیا ہے کہ یہ شیر تئیس ملین قبل زمین شناسی کے زمانہ میوسن کے دوران زندہ تھا۔ میوسن وہ قدیم زمانہ ہے جب سائنس دانوں کے خیال میں انسانی نسل کے اجداد بھی ممکنہ طور پر موجود تھے۔ اسی خطے اور اسی زمانے کے دوران جانوروں نے زمین پر چلنا شروع کیا تھا۔

ش ح / ا ا (اے ایف پی، ڈی پی اے)