امریکی صدارتی انتخابات: بھارتی نژاد راماسوامی ٹرمپ کے نائب؟

اب جب کہ یہ تقریباً واضح ہوگیا ہے کہ امریکہ کے آئندہ صدارتی انتخابات ڈونلڈ ٹرمپ اور جو بائیڈن کے درمیان ہوں گے، سابق صدر کے نائب یا رننگ میٹ کے ممکنہ امیدوار کے حوالے سے قیاس آرائیاں زوروں پر ہیں۔

وویک ایک 'ذہین شخص' ہیں، ٹرمپ

ڈونلڈ ٹرمپ نے حالانکہ مارچ میں ان خبروں کو مسترد کردیا تھا کہ وویک ان کے نائب صدر ہو سکتے ہیں۔ لیکن پچھلے ہفتے حالات نے ایک نیا موڑ لیا، جب سابق امریکی صدر نے وسکونسن میں ایک انتخابی ریلی کے دوران بھارت نژاد امریکی کاروباری کی تعریف کیں۔

بھارتی نژاد امریکی ارب پتی کی سیاست میں انٹری اور مقبولیت

امریکی صدارتی انتخابات: بائیڈن اور ٹرمپ میں مقابلہ تقریباً طے

ٹرمپ نے راماسوامی کو ایک "ذہین شخص" قرار دیا جو اپنی انتظامی صلاحیتوں سے حالات پر قابو پاسکتا ہے۔

ٹرمپ نے کہا،"اگر میں وویک کو کوئی کام دوں تو وہ اسے انجام دے سکتے ہیں۔ وہ کسی نہ کسی صورت میں ہمارے ساتھ رہیں گے، اگر نائب صدر کے طور پرنہ بھی رہیں۔"

سوشل میڈیا پر بھی وویک راماسوامی کی تعریفیں

 سوشل میڈیا پر وویک راماسوامی کی تعریف میں متعدد لوگوں نے پوسٹ کی ہیں۔ ایک شخص نے ٹرمپ کے ساتھ وویک راماسوامی کی ویڈیو پوسٹ کرتے ہوئے لکھا، "وویک ہی ٹرمپ کے نائب صدر ہونے جارہے ہیں۔"

اس ویڈیو کو پوسٹ کیے جانے کے کچھ ہی دیر میں دس لاکھ سے زائد لوگوں نے دیکھا، جب کہ سینکڑوں نے اس پر تبصرے کیے۔

سابق امریکی صدر ٹرمپ تمام چونتیس الزامات میں مجرم قرار

ایک صارف نے اپنے تبصرے میں لکھا، "میں انہیں (ٹرمپ) کو صرف اسی صورت میں ووٹ دوں گا جب وویک ان کے نائب صدر ہوں گے۔"

ایک دوسرے صارف نے تبصرہ کیا،"میرے خیال میں وویک راماسوامی کسی بھی عہدے کے لیے بہترین انتخاب ہیں، وہ ناقابل یقین حد تک ذہین اور سلجھے ہوئے شخص ہیں۔ وویک کے لیے سن 2028 میں صدر کی امیدواری کا راستہ ہموار ہو جائے گا۔"

وویک راما سوامی کون ہیں؟

نو اگست 1985 میں امریکہ میں پیدا ہونے والے وویک گنپتی راما سوامی ایک کاروباری اور سیاست داں ہیں۔ انہوں نے سن 2014 میں ایک دواساز کمپنی کی بنیاد رکھی۔ امریکہ کے آئندہ صدارتی انتخابات میں ریپبلکن پارٹی کی نامزدگی کے لیے فروری 2023 میں اپنی امیدواری کا اعلان کیا لیکن جنوری 2024 میں آئیوا کاکسز میں چوتھے نمبر پر آنے کے بعد اپنی مہم معطل کردی۔

بھارتی تارکین وطن کی اولاد وویک راما سوامی نے ہارورڈ کالج سے بائیولوجی میں بیچلر ڈگری حاصل کی اور بعد میں ییل لا اسکول سے قانون کی ڈگری لی۔ انہوں نے ایک سرمایہ کاری فرم کی مشترکہ بنیاد بھی رکھی۔ جنوری 2024 میں فوربس نے راماسوامی کی مجموعی دولت کا تخمینہ 960 ملین ڈالر سے زیادہ کا لگایا تھا۔