ایران پر ’سخت ترین پابندیاں‘ عائد کر دیں گے، امریکا

پیر 21 مئی کو امریکی وزیر خارجہ مائیک پومپیو نے تہران حکومت سے مطالبہ کیا کہ وہ اپنی پالیسیوں میں بڑے پیمانے پر تبدیلیاں لائے جن میں مشرق وُسطیٰ سے لے کر بحیرہ روم کے ساحلوں تک اُس کے بڑھتے ہوئے فوجی اور سیاسی اثر و رسوخ کا خاتمہ شامل ہے۔

جوہری ہتھیاروں کے حامل ممالک دنیا کو دھمکا رہے ہیں، ایردوآن

ایرانی جوہری معاہدے اور تجارتی تنازعے پر یورپی رہنما متحد

مائیک پومپیو کا کہنا تھا کہ اگر تہران نے اپنی ملٹری اور علاقائی پالیسیوں میں بڑے پیمانے پر تبدیلیاں نہ کیں تو اسے تاریخ کی سخت ترین پابندیوں کا سامنا کرنا ہو گا۔ ان کا کہنا تھا کہ تہران میں موجود رہنماؤں کو امریکا کے اس معاملے میں سنجیدہ ہونے میں کوئی شک نہیں ہونا چاہیے۔

دوسری طرف ایرانی صدر حسن روحانی نے اس دھمکی کو رد کرتے ہوئے کہا ہے کہ دنیا آج یہ تسلیم نہیں کرتی کہ امریکا پوری دنیا یا ایران کے بارے میں فیصلے کرے۔ حسن روحانی کی طرف سے جاری ہونے والے بیان میں امریکا کے حوالے سے کہا گیا ہے ’’تم کون ہوتے ہو، ایران اور دنیا کے بارے میں فیصلے کرنے والے؟‘‘ بیان میں مزید کہا گیا ہے، ’’آج دنیا یہ تسلیم نہیں کرتی کہ امریکا دنیا کے بارے میں فیصلے کرے۔ ممالک اپنے فیصلوں میں آزاد ہیں۔‘‘

ا ب ا / ع ا (اے ایف پی)