بریگزٹ سے متعلق دوبارہ ریفرنڈم ناممکن، برطانوی وزیر اعظم

وفاقی جرمن دارالحکومت برلن سے ہفتہ تین مارچ کو موصولہ نیوز ایجنسی ڈی پی اے کی رپورٹوں کے مطابق برطانوی وزیر اعظم نے زور دے کر کہا کہ برطانیہ کے عوام ایک بار اپنے ملک کے یورپی یونین سے انخلا کا فیصلہ کر چکے ہیں، جس میں کوئی شک و شبہ نہیں ہے اور اب اس فیصلے پر عمل درآمد میں سیاست دانوں کی کوئی بھی ناکامی عوام کے سیاسی قیادت پر اعتماد کے لیے بہت ہی نقصان دہ ثابت ہو گی۔

لندن کے خلاف سکاٹ لینڈ اور ویلز کی اختیارات کی جنگ ابھی سے

بریگزٹ سے متعلق سکاٹش عدالت کا فیصلہ اگلے ہفتے

یورپی یونین کی صدارت چھ ماہ کے لیے بلغاریہ کے پاس

جرمن جریدے ’دی وَیلٹ‘ اور چند دیگر یورپی اخبارات کے اتحاد ’لینا‘ کے ساتھ ایک انٹرویو میں ٹریزا مے نے کہا کہ برطانیہ اب تک کے پروگرام کے مطابق انیس مارچ 2019ء سے یقینی طور پر یوری یونین کا رکن نہیں رہے گا۔ برطانوی سربراہ حکومت کا یہ انٹرویو آج ہفتے کے روز ’دی وَیلٹ‘ اور کئی دیگر یورپی اخبارات میں شائع ہوا۔

ٹریزا مے نے اس انٹرویو میں یہ بھی کہا کہ برطانیہ کے عوام اور سیاستدانوں کی اکثریت کی سوچ وہی ہے، جس کا اظہار وہ خود کر رہی ہیں۔ دوسری طرف ڈی پی اے نے کئی تازہ عوامی جائزوں کے نتائج کا حوالہ دیتے ہوئے لکھا ہے کہ برطانیہ میں بریگزٹ کے حق میں عوامی تائید مسلسل کم ہوتی جا رہی ہے۔

اس پس منظر میں یورپی یونین کی کونسل کے صدر ڈونالڈ ٹُسک اور یورپی کمشین کے صدر ژاں کلود یُنکر بھی یہ واضح کر چکے ہیں کہ اگر برطانیہ نے ابھی بھی یہ فیصلہ کیا کہ وہ آئندہ بھی یونین کا رکن ہی رہنا چاہتا ہے، تو برسلز کی طرف سے اس کا خیر مقدم کیا جائے گا۔

بریگزٹ معاہدہ ترکی اور یوکرائن کے لیے ماڈل ہو سکتا ہے، جرمنی

یورپی یونین ختم کی جائے، انتہائی دائیں بازو کی یورپی جماعتیں

بریگزٹ: یورپی شہریوں سے متعلق برٹش ارادے: دستاویز لیک ہو گئی

برطانوی عوام نے جون 2016ء میں ہونے والے ایک ریفرنڈم میں 52 فیصد کی اکثریت سے یہ فیصلہ کیا تھا کہ لندن کو یورپی یونین سے نکل جانا چاہیے۔ اس ریفرنڈم میں 48 فیصد برطانوی رائے دہندگان کی خواہش یہ تھی کہ ان کے ملک کو ماضی کی طرح مستقبل میں بھی یورپی یونین کا رکن رہنا چاہیے۔

قبل ازیں جمعہ دو مارچ کے روز لندن میں اپنے ایک انتہائی اہم پالیسی خطاب میں ٹریزا مے نے کہا کہ  اب تک یورپی سطح پر جو تجارتی معاہدے پائے جاتے ہیں، انہی کی طرز پر لیکن بریگزٹ کے بعد کے دور میں یورپی یونین کے برطانیہ کے ساتھ تجارتی تعلقات کا تصور بھی ممکن نہیں۔ انہوں نے کہا کہ مستقبل کے برطانوی یورپی تجارتی تعلقات کے لیے نئے ماڈلز کا تیار کیا جانا لازمی ہو گا۔

برطانیہ بریگزٹ کے لیے ’چالیس ارب یورو تک ادا کرنے پر تیار‘

بریگزٹ مذاکرات میں اہم پیش رفت

بریگزٹ کے خلاف لندن میں ہزارہا شہریوں کا احتجاجی مظاہرہ

ٹریزا مے نے کہا کہ یورپی یونین اب تک جن تجارتی ماڈلز پر عمل پیرا ہے، اور جن کا اطلاق یونین سے باہر کے ناروے اور کینیڈا جیسے ممالک پر بھی ہوتا ہے، وہ مستقبل میں لندن اور برسلز کے مابین تجارتی روابط کے سلسلے میں لندن کی خواہشات کی عکاسی نہیں کرتے۔

جرمن جریدے ’دی وَیلٹ‘ کے ساتھ انٹرویو میں ٹریزا مے نے یہ تجویز بھی پیش کی کہ لندن اور برسلز کے مابین مارچ 2019ء کے بعد کے دور کے لیے ایک نیا اور قابل عمل کسٹمز معاہدہ قابل قبول ثابت ہو سکتا ہے۔