جاپانی مافیا باس کو سزائے موت: ’جج صاحب، آپ پچھتائیں گے‘

عدالت نے یاکُوزا مافیا کے ایک جرائم پیشہ گروہ کے چوہتر سال باس استورُو نومُورا کو ایک قتل اور تین دیگر افراد پر حملے کروانے کے الزام میں سزائے موت سنائی ہے۔ یہ فیصلہ فُوکُوکا ڈسٹرکٹ کورٹ کے جج نے دیا ہے۔

مافیا اسکینڈل صدر ایردوآن کے لیے دن بدن خطرناک ہوتا ہوا

اٹلی میں منظم جرائم پیشہ تنیظمیں مافیا کہلاتی ہیں اور ان کے اپنے اپنے انفرادی نام بھی ہوتے ہیں۔ جاپان میں ایسی جرائم پیشہ تنظیمیں یاکُوزا کہلاتی ہیں۔ استورُو نومُورا کی تنظیم کا نام کوڈو کائی ہے جو جنوب مغربی جاپان میں وجود رکھتی ہے، تاہم اب اسے کسی حد تک کم فعال سمجھا جاتا ہے۔

عدالت میں مافیا باس کی دھمکی یا بیان

فُوکُوکا ڈسٹرکٹ کورٹ میں بیان دیتے ہوئے یاکُوزا مافیا گروپ کوڈو کائی کے سربراہ استُورا نومُورا نے کہا کہ انہوں نے عدالت سے درخواست کی تھی کہ انہیں عدالتی کارروائی کی تکمیل پر ایک شفاف فیصلہ دیا جائے مگر ایسا نہیں ہو سکا۔

مافیا باس نے جج سے اپنے بیان میں یہ بھی کہا کہ وہ بقیہ تمام عمر اس فیصلے پر پچھتاتے رہیں گے۔ جاپانی میڈیا نے یہ بھی رپورٹ کیا ہے کہ مقدمے میں مضبوط شواہد موجود نہیں تھے لیکن اس کے باوجود جج نے استورُو نومُورا کو موت کی سزا سنائی ہے۔

عدالتی عمل پر نگاہ رکھنے والے جاپانی مبصرین کا خیال ہے جج کو پچھتانے کا بیان مبینہ دھمکی ڈھکے چھپے انداز میں ہو سکتی ہے۔

استُورا نومُورا پر الزام

مافیا باس پر سن 1998 میں کیے جانے والے ایک خونی حملے کا الزام تھا کہ انہوں نے محکمہ ماہی گیری کے سربراہ کو ہلاک کرنے کا حکم دیا تھا۔ حکومتی اہلکار بندرگاہ پر تعمیراتی پراجیکٹس کی تکمیل پر ضرورت سے زیادہ دباؤ ڈالے ہوئے تھے۔

پاکستان میں ’تمباکو مافیا‘ کی طاقت

ایک اور الزام سن 2013 میں اس نرس پر چاقو سے حملہ کروانے کا لگایا گیا تھا جہاں مافیا باس زیر علاج تھے۔ استُورا نومُور کے نائب فومیو تانوئے کو عدالت نے انہی جرائم میں ملوث ہونے کے جرم میں عمر قید کی سزا سنائی ہے۔

یاکُوزا مافیا

جاپان میں یاکُوزا مافیا کی مجرمانہ سرگرمیوں کی ابتدا دوسری عالمی جنگ کے بعد شروع ہوئی تھی۔ اس وقت ایسی تنظیمیں اربوں کے جرائم پیشہ کاروبار میں ملوث تھیں۔ پولیس کے مطابق یاکوزا مافیا کے تمام گروپوں کے اپنے اپنے ہیڈکوارٹرز تھے۔

جاپان میں اسٹریٹ کرائم میں بھی مافیا سے جڑے افراد کو ملوث خیال کیا جاتا تھا۔ جاپانی معاشرے میں مافیا کو ایک برائی کے طور پر بھی لیا جاتا ہے۔ اس مافیا کے ارکین کی تمام کارروائیاں فوری ضرور ہوتی تھیں لیکں خفیہ انداز میں کارکن احکامات کی تکمیل کیا کرتے تھے۔

ایسٹر ڈنر کے لیے اٹلی واپسی، سسلی کا مطلوب مافیا باس گرفتار

حالیہ برسوں میں انسدادِ مافیا کے انتہائی سخت قوانین اور سماجی سطح پر عدم قبولیت کی وجہ سے یاکوزا مافیا کی سرگرمیاں بہت کم ہو چکی ہیں۔

ع ح/ع ت (اے ایف پی)