عاجزی بہتر ہے: پوپ کو تحفے میں ملنے والی لامبورگینی نیلام

اطالوی دارالحکومت روم سے اتوار تیرہ مئی کو ملنے والی رپورٹوں کے مطابق پاپائے روم کو یہ بہت قیمتی تحفہ اٹلی کے بہت مہنگی سپورٹس کاریں تیار کرنے والے ادارے لامبورگینی نے گزشتہ برس نومبر میں دیا تھا۔ اس گاڑی کو پوپ کے حکم کے مطابق نیلام کر دیا گیا اور نیلامی موناکو میں کی گئی۔

’بچوں سے جنسی زیادتی‘: پوپ کے معتمد کارڈینل پر مقدمہ چلے گا

ويٹيکن کا سفارت کار چائلڈ پورنوگرافی رکھنے کی وجہ سے گرفتار

نتیجہ یہ نکلا کہ پاپائے روم کی ملکیت یہ گاڑی، جس پر خود پوپ نے اپنے دستخط بھی کر دیے تھے، سات لاکھ پندرہ ہزار یورو میں نیلام ہوئی۔ 580 ہارس پاور کے انجن والی یہ سفید رنگ کی سپورٹس کار ’ہوراکان آر ڈبلیو ڈی کُوپے‘ ماڈل کی لامبورگینی ہے، جو ماہرین کے اندازوں کے برعکس اپنی زیادہ سے زیادہ ممکنہ قیمت کے دوگنا سے بھی زیاد رقم کے عوض فروخت ہوئی۔ اسے ایک ایسے شخص نے خریدا، جس کی نیلام گھر کی طرف سے شناخت ظاہر نہیں کی گئی۔

موناکو کے گریمالڈی فورم میں سوتھیبی نامی نیلام گھر کی طرف سے نیلام کردہ پاپائے روم کی اس گاڑی کے لیے بولی ڈیڑھ لاکھ یورو سے شروع ہوئی تھی۔ پھر دیکھتے ہی دیکھتے یہ قیمت نصف ملین یورو سے بھی زیادہ ہو گئی اور آخر کار یہ لگژری سپورٹس کار 715.000 یورو کی سب سے زیادہ بولی لگانے والے خریدار کو بیچ دی گئی۔

توہین مذہب کے پاکستانی قانون کے خلاف اٹلی میں احتجاجی مظاہرہ

مہاجرين کمزور ترين اور سب سے زيادہ ضرورت مند ہيں، پوپ فرانسس

اس گاڑی کو نیلام کرنے والے ادارے کے مطابق سات لاکھ یورو سے زائد کی اس رقم میں سے 70 فیصد یا پانچ لاکھ یورو سے زائد کی رقم شمالی عراق کے شہر موصل کی تعمیر نو میں مدد کے لیے مہیا کی جائے گی، جسے شدت پسند تنظیم ’اسلامک اسٹیٹ‘ یا داعش نے اپنے قبضے کے دوران بری طرح تباہ کر دیا تھا۔

نیلامی کی اس رقم کا باقی ماندہ مختلف حصوں میں ایسے فلاحی امدادی منصوبوں کے لیے عطیہ کر دیا جائے گا، جو وسطی افریقہ میں غریب مریضوں کو ادویات کی فراہمی یا پھر نادار انسانوں کی سماجی مدد کے لیے چلائے جا رہے ہیں۔

کرسمس کی خصوصی دعائيہ تقريب ميں مہاجرين کی مدد پر زور

پوپ نے بنگلہ دیش اور میانمار کا دورہ مکمل کر لیا

پاپائے روم کو تحفے کے طور پر دی گئی جو لامبورگینی آج نیلام کر دی گئی، وہ پوپ نے آج تک چلائی ہی نہیں۔ اس طرح یہ کار بالکل نئی اور غیر استعمال شدہ ہے۔ پوپ فرانسس عام طور پر ایک ایسی فورڈ فوکس نامی گاڑی استعمال کرتے ہیں، جو ویٹیکن سٹی کے سرکاری گاڑیوں کے قافلے کا حصہ ہے۔

پوپ فرانسس کے بارے میں یہ بھی کہا جاتا ہے کہ ان کے پاس فرانسیسی ساختہ ایک ایسی رینالٹ ’آر فور‘ طرز کی گاڑی بھی ہے، جس کا رنگ سفید ہے اور جو 1984ء ماڈل کی ایک کار یعنی 34 برس پرانی ہے۔

مظلوموں کی تکالیف نظر انداز نہ کی جائیں، پوپ کا ایسٹر پیغام

خدا کے وجود پر شبے سے پاپائے روم بھی مبرہ نہیں

ماضی میں پوپ فرانسس کو ایک بہت مہنگی ہارلے ڈیوڈسن موٹر سائیکل بھی تحفے میں پیش کی گئی تھی، وہ بھی انہوں نے نیلام کرا دی تھی اور نیلامی سے حاصل ہونے والی رقم مختلف فلاحی امدادی منصوبوں کے لیے عطیہ کر دی گئی تھی۔

م م / ع ت / کے این اے