لیڈی ڈیانا کی شادی کیوں ناکام ہوئی تھی، نئی دستاویزی فلم

اس دستاویزی فلم  کی تیاری میں شہزادی ڈیانا کی زندگی میں ریکارڈ کیے گئے ایسے ویڈیو کلپ استعمال کیے گئے ہیں، جو اس سے قبل برطانیہ میں کبھی نشر نہیں کیے گئے۔

ڈیانا کی پسندیدہ فیشن ڈیزائنر کینسر کے آگے ہار گئیں

ڈیانا کی ملکیتی پینٹنگز کی نیلامی

اس ویڈیو میں لیڈی ڈیانا برطانوی شاہی خاندان کے ساتھ کشیدہ تعلقات اور برطانوی ولی عہد شہزادہ چارلس کے ساتھ اپنی شادی کی ناکامی کے بارے میں گفت گو کرتی نظر آتی ہیں۔

سن 1990 کی دہائی کے شروع میں ریکارڈ کی گئی اس ویڈیو میں ڈیانا آواز کی کوچنگ کرنے والے شخص سے ان امور کے بارے میں گفت گو کرتے ہوئے بتاتی ہیں کہ جب انہوں نے ملکہ الزبتھ ثانی کو اپنی ناکام ہوتی ہوئی ازدواجی زندگی کے بارے میں بتایا، تو ملکہ کا رد عمل کیا تھا۔ ڈیانا کہتی ہیں کہ ملکہ نے جواباﹰ کہا، ’’مجھے نہیں معلوم کہ تمہیں کیا کرنا چاہیے۔‘‘

لیڈی ڈیانا اس ویڈیو میں یہ بتاتی بھی دکھائی دیتی ہیں کہ کیسے وہ اپنی سکیورٹی پر مامور ایک شخص بیری ماناکی کے عشق میں مبتلا ہوئیں۔

سن 2004 میں لیڈی ڈیانا کی زندگی میں ریکارڈ کی گئی اس ویڈیو کے کچھ حصے ایک امریکی نشریاتی ادارے نے نشر کیے تھے تاہم برطانوی میڈیا میں کبھی بھی یہ ریکارڈنگ نشر نہیں کی گئی۔ برطانوی ٹی وی ’چینل فور‘ پر یہ ڈاکومنٹری فلم چھ اگست کو نشر کی جائے گی۔

لیڈی ڈیانا اکتیس اگست سن 1997 کے روز فرانسیسی دارالحکومت پیرس میں پیش آنے والے ایک کار حادثے میں ہلاک ہو گئی تھیں۔

ولیم اپنی اہلیہ اور ننھے پرنس کے ہمراہ گھر روانہ

پرنس ولیم اور شہزادی کیٹ بھارت میں