پاکستان: بلڈ بینک پیپاٹائٹس پھیلانے کا سبب

ایک پاکستانی امدادی تنظیم کی طرف سے یہ بات منظر عام پر لانے کے بعد کہ 10 ایسے بچے جنہیں خون کی بیماری کے سبب مستقل خون لگوانے کی ضرورت رہتی ہے، وہ ایچ آئی وی وائرس سے متاثر ہو گئے ہیں۔ یہ وائرس ایڈز کا سبب بنتا ہے جو ابھی تک لا علاج بیماری ہے۔

تھیلیسیما فیڈریشن پاکستان کے مطابق تھیلیسیما میں مبتلا قریب 22 ہزار بچوں کو باقاعدگی سے خون لگوانا پڑتا ہے۔ یہ ایک ایسے بیماری ہے جس کے نتیجے میں خون میں پروٹین کی مقدار کم ہو جاتی ہے۔

پاکستانی حکومتی اہلکار ابھی تک اس اطلاع کے بارے میں تحقیقات کر رہے ہیں اور سرکاری سطح پر تھیلیسمیا فیڈریشن پاکستان کے اس دعوے کی تصدیق نہیں کی گئی۔

پاکستانی حکومت کے زیر انتظام چلنے والے پاکستان انسٹیٹیوٹ آف میڈیکل سائنسز کے سربراہ جاوید اکرم کے مطابق خون کی فراہمی کے طریقہ کار کی نامناسب نگرانی ایسے تمام مریضوں کے لیے ایک مسئلہ ہے جنہیں باقاعدگی سے خون لگوانے کی ضرورت پڑتی ہے۔

جاوید اکرام کے مطابق تھیلیسمیا کے مریضوں کے علاوہ ملک بھر قریب 250،000 گردوں کی بیماری میں مبتلا مریضوں کو بھی خون لگوانے کی ضرورت رہتی ہے۔ ان کا مزید کہنا ہے، ’’ایسے تمام مریض جنہیں زندہ رہنے کے لیے باقاعدگی سے خون لگوانا پڑتا ہے ان میں سے قریب 20 فیصد ہیپاٹائٹس بی یا سی میں مبتلا ہو چکے ہیں۔ ان میں سے زیادہ تر کے لیے محفوظ خون کا حصول ممکن نہیں ہے۔‘‘ ان کے اندازوں کے مطابق ایسے مریضوں کا قریب ایک فیصد ایچ آئی وی سے متاثر ہو چکا ہے۔

عالمی ادارہ صحت کے مطابق پاکستان میں 13 ملین افراد ہیپاٹائٹس بی یا سی میں مبتلا ہیں جبکہ ایچ آئی وی یا ایڈز میں مبتلا افراد کی تعداد قریب 85 ہزار ہے۔

جاوید اکرم کے مطابق پاکستانی حکومت کا ابھی تک ایسا کوئی منصوبہ نہیں ہے جس کے تحت انفیکٹڈ خون لگوانے والوں کا طبی معائنہ کیا جائے۔ ان کا کہنا ہے کہ ان کے ہسپتال میں آنے والے مریض آٹھ مختلف بلڈ بینکس سے خون حاصل کرتے ہیں۔ زیادہ تر بلڈ بینک نشہ کرنے والے لوگوں سے خون حاصل کرتے ہیں۔