ہریالی ذہنی اور جسمانی صحت کے لیے ضروری

برطانیہ کی یونیورسٹی آف ایسیکس میں کی جانے والی ایک تحقیق کے مطابق کسی بھی سرسبز و شاداب ماحول میں ورزش کرنے سے انسان کی ذہنی صحت بہتر ہوتی ہے اور خود اعتمادی میں اضافہ ہوتا ہے۔

اس تحقیق کے مطابق سرسبز مقام پر ورزش کے پہلے پانچ منٹ میں ہی انسان کے موڈ میں واضح تبدیلی آتی ہے۔ اور اگر ورزش کسی ایسے مقام پر کی جائے جہاں ہریالی کے ساتھ ساتھ پانی بھی ہو تو اس کے زیادہ مثبت نتائج حاصل ہوتے ہیں۔

چہل قدمی، سائیکل چلانا، باغبانی یا ہریالی کے قریب کوئی اور جسمانی ورزش چند منٹوں میں آپ کا موڈ خوش گوار کر دے گی۔